జయలలితకు సుప్రీం ఝలక్, హాజరు కావాల్సిందే

న్యూఢిల్లీ: తమిళనాడు ముఖ్యమంత్రి జయలలితకు సుప్రీంకోర్టు శుక్రవారం ఝలక్ ఇచ్చింది. రూ.66 కోట్ల ఆదాయానికి మించి ఆస్తుల కేసులో తమ ముందు హాజరు కావాలని బెంగళూర్ కోర్టు జారీ చేసిన ఆదేశాల నుంచి మినహాయించాలని కోరుతూ ఆమె దాఖలు చేసుకున్న పిటిషన్‌ను సుప్రీంకోర్టు తోసిపుచ్చింది. అయితే, బెంగుళూర్ కోర్టుకు హాజరు కావాల్సిన 8వ తేదీన కాకుండా మరో తేదీన హాజరు కావడానికి ఆమెకు సుప్రీంకోర్టు అనుమతి ఇచ్చింది.

ఈ నెల 8వ తేదీన తాను కోర్టుకు హాజరు కాలేనని జయలలిత సుప్రీంకోర్టుకు చెప్పుకున్నారు. మరో రోజు హాజరు కావచ్చునని సుప్రీంకోర్టు బెంచ్ చెప్పింది. ఈ కేసు జయలలిత మొదటి విడత 1991, 1996 మధ్య కాలంలో ముఖ్యమంత్రిగా పనిచేసినప్పటికి సంబంధించింది. ఈ కేసులో ఈ నెల 8వ తేదీన తమ ముందు హాజరు కావాలని బెంగుళూర్ కోర్టు జయలలితను ఆదేశించింది. దాన్ని సవాల్ చేస్తూ ఆమె సుప్రీంకోర్టుకు వెళ్లారు.

English summary

The Supreme Court on Friday rejected Tamil Nadu chief minister J Jayalalitha's plea challenging a Bangalore court order asking her to appear again to answer questions relating to a Rs 66 crore disproportionate assets case.