తెలంగాణ మేమే ఇస్తాం, గెలిపించి తీసుకోండి: సుష్మా

నల్లగొండ: వచ్చే ఎన్నికల్లో తాము గెలుస్తామని, తాము అధికారంలోకి వచ్చిన మూడు నెలల్లో తెలంగాణ రాష్ట్రం ఇస్తామని బిజెపి లోకసభ పక్ష నేత సుష్మా స్వరాజ్ అన్నారు. తమ పార్టీని గెలిపించి, తెలంగాణ తీసుకోవాలని ఆమె అన్నారు. నల్లగొండలో శనివారం సాయంత్రం జరిగిన తెలంగాణ పోరు సభలో ఆమె మాట్లాడారు. యుపిఎ తెలంగాణను మోసం చేసిందని ఆమె విమర్శించారు. డిసెంబర్ 9వ తేదీన కేంద్ర హోం మంత్రి పి. చిదంబరం చేసిన ప్రకటన మోసపూరితమైందని ఆమె అన్నారు. గత ప్రభుత్వంలో తాము మూడు రాష్ట్రాలు ఇచ్చామని, అవి అభివృద్ధి పథంలో ఉన్నాయని ఆమె అన్నారు.

కొత్త రాష్ట్రాలు అంటే ఇతర రాష్ట్రాలకు వ్యతిరేకం కాదని ఆమె అన్నారు. వేరుపడిన నాలుగు రాష్ట్రాలు ఆత్మీయంగానే ఉన్నాయని ఆమె చెప్పారు. పంజాబ్ నుంచి విడిపోయిన హర్యానా అభివృద్ధిలో దేశంలోనే ప్రథమ స్థానంలో ఉందని ఆమె అన్నారు పోరాటాలతోనే తెలంగాణ సాధ్యమని అమె అన్నారు. ఐక్యతతో పోరాటం సాగించాలని ఆమె సూచించారు. తెలంగాణలో అభివృద్ధి లేదని చెప్పేందుకు నల్లగొండనే ఉదాహరణ అని ఆమె అన్నారు. కృష్ణా జలాలను నల్లగొండ జిల్లాకు తరలించి ఫ్లోరైడ్ సమస్యను రూపుమాపుతామని ఆమె అన్నారు. పార్లమెంటు శీతాకాల సమావేశాల్లో యుపిఎ ప్రభుత్వం తెలంగాణ బిల్లు పెడితే తాము మద్దతిస్తామని ఆమె హామీ ఇచ్చారు.

English summary

BJP leader Sushma Swaraj said that her NDA will come into power and will form Telangana state.