అక్రమ సంబంధం అనుమానంతో భార్యను చంపిన భర్త

గుంటూరు: అక్రమ సంబంధం ఉందనే అనుమానంతో గుంటూరు జిల్లాలో ఆదివారం ఓ తాగుబోతు భర్త తన భార్య గొంతు కోసి హత్య చేశాడు. వినుకొండ మండలానికి చెందిన కృష్ణదాసుకు రంగమ్మ అనే మహిళతో పదేళ్ల క్రితం వివాహం అయింది. కృష్ణదాసు తాగుడుకు బానిసై నిత్యం భార్యను వేధించేవాడు. వారికి ఇద్దరు పిల్లలు ఉన్నారు. భర్త నిత్యం వేధిస్తుండటంతో భార్య కాపురానికి నిరాకరించింది. ఇటీవల అనారోగ్యం కారణంగా రంగమ్మ పుట్టింటికి వెళ్లింది.

భర్త వేధింపుల కారణంగా రంగమ్మ కాపురానికి నిరాకరించడంతో భర్తే ఇటీవల భార్య వద్దకు వెళ్లాడు. నీ వద్దే ఉంటానని చెప్పాడు. అయితే తన భార్య కాపురానికి రాకపోవడానికి అక్రమ సంబధమే కారణమనే అనుమానంతో కృష్ణదాసు ఆదివారం భార్యను గొంతు కోసి హత్య చేసి పరారయ్యాడు. స్థానికులు పోలీసులకు సమాచారం అందించారు.

English summary

A husband from Guntur district killed his wife today. He suspected her and cutted throat.