తెలంగాణపై యుపిఎకు సహకరిస్తాం: ప్రకాశ్ జవదేకర్

By Srinivas

Published: Monday, November 7, 2011, 14:04 [IST]

న్యూఢిల్లీ: తెలంగాణ ఏర్పాటుపై కేంద్రానికి తాము సహకరించేందుకు సిద్ధంగా ఉన్నామని భారతీయ జనతా పార్టీ అధికార ప్రతినిధి ప్రకాశ్ జవదేకర్ సోమవారం చెప్పారు. జంతర్ మంతర్ వద్ద దీక్ష చేస్తున్న ప్రముఖ స్వతంత్ర్య సమర యోధుడు కొండా లక్ష్మణ్ బాపూజీ దీక్షకు జవదేకర్ సంఘీభావం తెలియజేశారు. ఈ సందర్భంగా ఆయన మాట్లాడారు. తెలంగాణ విషయంలో కేంద్ర మంత్రి ప్రణబ్ ముఖర్జీ తన నిర్ణయాన్ని తెలియజేయాలని డిమాండ్ చేశారు. తాము 2014లో అధికారంలోకి వస్తే ప్రత్యేక రాష్ట్రం ఇస్తామని చెప్పిన విషయాన్ని గుర్తు చేశారు. తెలంగాణ కావాలని ప్రజలంతా ఉద్యమిస్తున్నప్పటికీ కేంద్ర, రాష్ట్ర ప్రభుత్వాలు పట్టించుకోవడం లేదని విమర్శించారు.

స్వయం పాలన మా జన్మ హక్కు అని టిడిపి నేత దేవేందర్ గౌడ్ అన్నారు. తెలంగాణ ప్రజల ఆకాంక్ష తెలియజేసే తమ ఈ ప్రయత్నాన్ని వక్రీకరించవద్దన్నారు. తెలంగాణ రాష్ట్రాన్ని వెంటనే ఏర్పాటు చేయాలని డిమాండ్ చేశారు. తెలంగాణ ఉద్యమాన్ని అణగదొక్కేందుకు కేంద్రం కుట్ర చేస్తోందని ఆరోపించారు. ఉద్యమాన్ని మరింత ఉధృతం చేసేందుకు తెలంగాణవాదులు కార్యాచరణ రూపొందించాలన్నారు.

Published On November 7, 2011