కాంగ్రెసులోకి తిరిగి వెళ్లం: వైయస్ జగన్ వర్గం ఎమ్మెల్యే

By Srinivas

Published: Wednesday, November 9, 2011, 13:24 [IST]

తిరుపతి: వైయస్సార్ కాంగ్రెసు పార్టీ, కడప పార్లమెంటు సభ్యుడు వైయస్ జగన్మోహన్ రెడ్డి వర్గానికి చెందిన శాసనసభ్యులు తిరిగి కాంగ్రెసులోకి వెళ్లనున్నారనే వార్తలను పూతలపట్టు ఎమ్మెల్యే రవి బుధవారం చిత్తూరు జిల్లాలో ఖండించారు. తాము ఎప్పటికీ జగన్ వెంటే ఉంటామని చెప్పారు. కాంగ్రెసులోకి తిరిగి వెళ్లాలనే ఉద్దేశ్యం తమకు ఎట్టి పరిస్థితిల్లోనూ లేదన్నారు. దివంగత ముఖ్యమంత్రి వైయస్ రాజశేఖర రెడ్డి ఆశయాల సాధన కోసమే తాము రాజీనామాలు చేశామని చెప్పారు. కొంతమంది మంత్రులు తమను ప్రలోభాలకు గురి చేయాలని చూస్తున్నారని విమర్శించారు.

కాగా జగన్ వర్గానికి చెందిన ఏడుగురు కాంగ్రెసు ఎమ్మెల్యేలు తిరిగి సొంత గూటికి చేరనున్నారనే వార్తలు మంగళవారం వచ్చిన విషయం తెలిసిందే. రెండు రోజల క్రితం వారు రహస్యంగా భేటీ అయ్యారని, మరో రెండు మూడు రోజుల్లో మరోసారి భేటీ అయ్యి అధికారికంగా కాంగ్రెసులోకి వెళ్లే విషయం వెల్లడి చేస్తారనే వార్తలు వచ్చాయి. అయితే ఈ వార్తలను ఎమ్మెల్యే రవి ఉదయం ఖండించారు.

Published On November 9, 2011