పశ్చిమ గోదావరి జిల్లాలో భాను కిరణ్: డిజిపి దినేష్

By Pratap

Published: Thursday, November 10, 2011, 17:43 [IST]

వరంగల్: మద్దెలచెర్వు సూర్యనారాయణ రెడ్డి అలియాస్ సూరి హత్య కేసులో నిందితుడు భాను కిరణ్ పశ్చిమ గోదావరి జిల్లాలో సంచరిస్తున్నట్లు సమాచారం ఉందని, త్వరలోనే పట్టుకుంటామని రాష్ట్ర పోలీసు డైరెక్టర్ జనరల్ (డిజిపి) దినేష్ రెడ్డి చెప్పారు. భాను కిరణ్‌ను పట్టుకునేందుకు పోలీసు బృందాలు పంపామని ఆయన చెప్పారు. తెలంగాణ ఉద్యమంలో నక్సలైట్లు లేరని ఆయన గురువారం మీడియా ప్రతినిధులతో అన్నారు. తెలంగాణ రాష్ట్ర సమితి (తెరాస) శాసనసభ్యులు గన్‌మెన్‌ను వదులుకుంటే తామేమీ చేయలేమని ఆయన అన్నారు.

తెలంగాణ రాష్ట్ర సమితి (తెరాస) పోలిట్‌బ్యూరో సభ్యుడు డాక్టర్ చెరుకు సుధాకర్‌పై పిడి యాక్ట్ పెట్టాలనేది స్థానిక పోలీసుల నిర్ణయమని ఆయన అన్నారు. ప్రభుత్వంపై ఆరోపణలు చేసినందుకే డిఎస్పీ నళినిని సస్పెండ్ చేశామని, నళిని చేసిన ఆరోపణలపై విచారణ జరుగుతుందని ఆయన అన్నారు. తెలంగాణ ఉద్యమానికి, నక్సలైట్ ఉద్యమానికి సంబంధం లేదని ఆయన అన్నారు. శాంతియుతంగా ఉద్యమించేవారిపై కేసులు పెట్టబోమని ఆయన అన్నారు.

Published On November 10, 2011