'స్వరవేద'ను పర్యవేక్షించిన బాబు సతీమణి భువనేశ్వరి

By Srinivas

Published: Thursday, November 10, 2011, 14:00 [IST]

హైదరాబాద్: ఎన్టీఆర్ ట్రస్టు మెమోరియల్ ఆధ్వర్యంలో ప్రతిష్టాత్మకంగా నిర్వహిస్తున్న స్వరవేద కార్యక్రమ ఏర్పాట్లను తెలుగుదేశం పార్టీ అధినేత, మాజీ ముఖ్యమంత్రి నారా చంద్రబాబు నాయుడు సతీమణి నారా భువనేశ్వరి గురువారం పర్యవేక్షించారు. కార్యక్రమం కోసం చేస్తున్న ఏర్పాట్ల పట్ల ఆమె పూర్తి సంతృప్తి వ్యక్తం చేశారు. నవంబర్ 11వ తేదిన పదకొండు మంది లబ్ధ ప్రతిష్ఠులైన కళాకారులచే ఎన్టీఆర్ ట్రస్టు ఆధ్వర్యంలో సంగీత కచేరీ నిర్వహిస్తున్న విషయం తెలిసిందే. గచ్చిబౌలి ఇండోర్ స్టేడియంలోన ఈ కార్యక్రమం నిర్వహిస్తున్నారు.

దీని ద్వారా లభించే ఆదాయాన్ని ఎన్టీఆర్ మెమోరియల్ ట్రస్టు ద్వారా సేవా కార్యక్రమాలకు వినియోగించనున్నారు. పదకొండు మంది వివిధ విభాగాలలోని సంగీత కళాకారులచే దీనిని నిర్వహిస్తున్నారు. దీని పర్యవేక్షణ మాగంటి గోపి, వెంకట మోటపర్తి చూస్తున్నారు. ఇప్పటికే ఎన్టీఆర్ ట్రస్టు ద్వారా పలు సేవా కార్యక్రమాలు కొనసాగుతున్నాయి.

Published On November 10, 2011