వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అంతా కాంగ్రెసు, టిఆర్ఎస్ నాటకం: కడియం శ్రీహరి

By Srinivas
|
Google Oneindia TeluguNews

Kadiyam Srihari
హైదరాబాద్: తెలంగాణ రాజకీయ ఐక్య కార్యాచరణ సమితి చైర్మన్ ఆచార్య కోదండరాం తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు సూచనల మేరకు నడుచుకుంటూ తెలంగాణలో తెలుగుదేశం పార్టీని దోషిగా నిలిపే ప్రయత్నాలు చేస్తున్నారని ఇప్పటికైనా ఆయన తన వైఖరి మార్చుకోవాలని టిడిపి సీనియర్ నేత కడియం శ్రీహరి ఆదివారం సూచించారు. ఉదయం టిడిపి ఎమ్మెల్యేలు భేటీ అయ్యారు. అనంతరం కడియం మీడియాతో మాట్లాడారు. కాంగ్రెసు తెలంగాణ పేరుతో నాటకాలాడుతోందని ప్రత్యేక రాష్ట్రంలో ఆ పార్టీ ఏ రకంగా కుట్రలు చేస్తుందో అందరికీ అర్థమవుతోందన్నారు. కేంద్రం ఇప్పటి వరకు శ్రీ కృష్ణ కమిటీ నివేదికపై నిర్ణయం చెప్పలేదన్నారు. ఇన్నాళ్లూ కాలాయాపన చేసి ఇప్పుడు చావు కబురు చల్లగా చెబుతున్నారని విమర్శించారు. వారం రోజుల్లో పరిష్కారం వస్తుందని ఇటీవల కాంగ్రెసు నేతలు చెప్పారని మరి ఇప్పుడేమంటారని ఆయన ప్రశ్నించారు. ప్రధాని ఇప్పుడు మాట్లాడిన మాటలు డిసెంబర్ 9 ప్రకటన చేసినప్పుడు గుర్తుకు లేవా అని ప్రశ్నించారు.

తెలంగాణ ప్రజలను కాంగ్రెసు మొదటి నుండి మోసం చేస్తుందన్నారు. కాంగ్రెసును ఎండగట్టడంలో టిఆర్ఎస్ పూర్తిగా విఫలమైందన్నారు. జెఏసి కాంగ్రెసుపై ఒత్తిడి పెంచకుండా వారితో కుమ్మక్కై టిడిపిని దోషిగా నిలిపే ప్రయత్నాలు చేసిందన్నారు. ప్రజలు ఇదంతా గుర్తించాలన్నారు. కాంగ్రెసు, టిఆర్ఎస్ కలిసే నాటకాలాడుతున్నాయని విమర్శించారు. సెంటిమెంటు పేరుతో టిడిపిని బలహీనపర్చి తన బలాన్ని పెంచుకునే కుట్ర టిఆర్ఎస్ చేసిందన్నారు. జెఏసి తెలంగాణ లక్ష్యాన్ని పక్కన పెట్టిందని ఇప్పటికైనా వారి వైఖరి మారాలన్నారు. జెఏసి ఇప్పటి వరకు వ్యూహాత్మక తప్పిదాలు చేసుకుంటూ వచ్చిందని మేం ఉద్యమంలో పాల్గొనడానికి ఎప్పుడు సిద్ధంగా ఉన్నామన్నారు. తెలంగాణ కోసం చేసిన బలిదానాలు చూసైన అందరూ ఐక్యంగా ఉద్యమించాలని సూచించారు.

English summary
TDP senior leader Kadiyam Srihari blamed TRS chief K Chandrasekhar Rao and Congress party for Telangana issue.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X