హైదరాబాదులో అంతర్జాతీయ టెర్రరిస్టు అబ్బాస్ అరెస్టు

By Pratap

Published: Tuesday, November 15, 2011, 19:14 [IST]

హైదరాబాద్: అంతర్జాతీయ టెర్రరిస్టు అబ్బాస్‌ను హైదరాబాద్ పోలీసులు మంగళవారంనాడు అరెస్టు చేశారు. ఈ అంతర్జాతీయ టెర్రరిస్టుపై అనేక కేసులు ఉన్నాయి. హైదరాబాదులో పోలీసు అధికారి కృష్ణప్రసాద్ హత్య కేసులో అతను నిందితుడు. హైదరాబాద్‌లో ఒక డెన్‌లో దాక్కున్న టెర్రరిస్టులపై పోలీసులు దాడి చేసినప్పుడు టెర్రరిస్టులు జరిపిన కాల్పులలో పోలీసు అధికారి కృష్ణ ప్రసాద్ మరణించారు. ఒకప్పుడు ఏర్‌ఫోర్స్‌లో పనిచేసిన అబ్బాస్ పాకిస్థాన్‌నుంచి అక్రమంగా ఆయుధాలను భారత్‌కు తరలించడంలో కీలకమైన పాత్ర పోషించాడు.

పాకిస్థాన్ రాయబార కార్యాలయంనుంచి నేపాల్ మీదుగా ఇండియాకు ఆయుధాలను అక్రమంగా తరలించినట్టు అబ్బాస్‌పై ఆరోపణలు ఉన్నాయి.అబ్బాస్ నాయకత్వంలో ఒకసారి హైదరాబాద్‌లో ఆటోలో ఆర్.డి.ఎక్స్.ను తరలిస్తుండగా పోలీసులు దాడి చేశారు. అబ్బాస్‌కు పాకిస్థాన్‌తో సన్నిహిత సంబంధాలు పెట్టుకున్నట్టు తెలుస్తున్నది. అలాగే పాకిస్థాన్ ఐ.ఎస్.ఐ.తో కూడా అబ్బాస్‌కు సన్నిహిత సంబంధాలు ఉన్నాయి.

Published On November 15, 2011