సిద్ధంగా లేరు నీట్ వాయిదా వేయండి: చంద్రబాబు

విశాఖపట్నం: రాష్ట్ర విద్యార్థులు నీట్ పరీక్షకు ఇప్పటికిప్పుడు సిద్ధంగా లేరని దానిని వాయిదా వేయాలని తెలుగుదేశం పార్టీ అధినేత నారా చంద్రబాబు నాయుడు బుధవారం అన్నారు. విజయనగరం, శ్రీకాకుళంలో రైతు పోరుబాట యాత్ర మంగళవారంతో పూర్తి కావడంతో ఆయన రాత్రి విశాఖ వచ్చారు. బుధవారం ఉదయం హైదరాబాద్ బయలుదేరారు. ఈ సందర్భంగా ఆయనను పలువురు మెడికల్ విద్యార్థులు కలిసి నీట్ పరీక్ష వల్ల విద్యార్థులు నష్ట పోతారని తెలిపారు. అందుకు స్పందించిన బాబు జాతీయ స్థాయిలో నిర్వహించే నీట్ పరీక్షను వాయిదా వేయాలని డిమాండ్ చేశారు.

విద్యార్థుల భవిష్యత్తు కాంగ్రెసు పార్టీ చేతిలోనే ఉందన్నారు. అలాగే ఎస్ఐ అభ్యర్థుల వయో పరిమితిని పెంచాలని ఆయన సూచించారు. మంగళవారం రాత్రి విశాఖ చేరుకున్న బాబు పార్టీ నేతలతో సమావేశమయ్యారు. జిల్లాలో పార్టీ పరిస్థితిపై చర్చించారు. ప్రభుత్వ ప్రజా వ్యతిరేక కార్యక్రమాలపై ఉద్యమాలు చేయాలని పార్టీ శ్రేణులకు పిలుపునిచ్చారు.

English summary

TDP chief Nara Chandrababu Naidu demanded central government that to postpone NEET entrances.