నా వల్లే కాంగ్రెసుకు సంక్షోభం తప్పింది!: చిరంజీవి

న్యూఢిల్లీ: మా పార్టీ వల్లే రాష్ట్రంలో అధికార కాంగ్రెసు పార్టీ సంక్షోభంలో పడకుండా తప్పించుకుందని తిరుపతి శాసనసభ్యుడు చిరంజీవి బుధవారం న్యూఢిల్లీలో అన్నారు. చిరంజీవి మధ్యాహ్నం ఏఐసిసి అధ్యక్షురాలు సోనియా గాంధీని కలిశారు. దాదాపు అరగంట పాటు ఆమెతో చిరంజీవి భేటీ అయ్యారు. భేటీ అనంతరం ఆయన మీడియాతో మాట్లాడారు. తమ వల్లే కాంగ్రెసు సంక్షోభంలో పడలేదన్నారు. రాష్ట్రంలో పార్టీ పరిస్థితిపై మేడం సోనియాతో చర్చించినట్లు చెప్పారు.

తెలంగాణపై తాను చెప్పాల్సింది ఎప్పుడో చెప్పానని అంతిమంగా కేంద్ర ప్రభుత్వం తీసుకునే నిర్ణయానికి తాను కట్టుబడి ఉంటానని చెప్పారు. తన స్థాయికి తగిన పదవిని సరైన సమయంలో తనకు అప్పగిస్తానని మేడం తనకు హామీ ఇచ్చారని అన్నారు. ప్రజారాజ్యం పార్టీ క్యాడర్‌లోని సమర్థులైన నేతలకు అవకాశమిస్తానని చెప్పారన్నారు. తన పదవి కోసం తాను మేడంపై ఎప్పుడూ ఒత్తిడి చేయలేదన్నారు.

English summary

Chiranjeevi said today after Sonia Gandhi meeting that his party protected congress government in state.