ఎన్టీఆరే కాదు బావమరిదీ చెప్పారు: చంద్రబాబుపై గోనె

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు అవినీతిపరుడని ఆయనకు పిల్లనిచ్చిన మామ దివంగత నందమూరి తారక రామారావు చెప్పారని వైయస్సార్ కాంగ్రెసు పార్టీ నేత గోనె ప్రసాశ్ రావు బుధవారం హైదరాబాదులో అన్నారు. ఎన్టీఆర్‌తో పాటు ఆయన బావమరిది, తోడల్లుడు, దివంగత ముఖ్యమంత్రి వైయస్ రాజశేఖర రెడ్డి కూడా ఆయన అవినీతి గురించి చెప్పారన్నారు. ఎన్టీఆర్ బాబును నయవంచకుడన్నారని, అలాంటి వ్యక్తి ఇప్పుడు అన్నాహజారే గురించి మాట్లాడుతుంటే సిగ్గేస్తుందన్నారు.

సిబిఐ విచారణలో చంద్రబాబు అక్రమాలు అన్నీ బయటపడతాయన్నారు. అలాంటి వ్యక్తి అవినీతిపై పోరాడతానని చెప్పడం విడ్డూరంగా ఉందన్నారు. తెలంగాణ ప్రాంత కాంగ్రెసు పార్లమెంటు సభ్యులకు ప్రత్యేక రాష్ట్రంపై చిత్తశుద్ధి ఉంటే వెంటనే రాజీనామా చేయాలన్నారు. రాజీనామాలు చేసిన అనంతరం వారు తిరిగి ఉప ఎన్నికల్లో పోటీ చేయవద్దని డిమాండ్ చేశారు.

English summary

YSR Congress Party leader Gone Prakash Rao blamed TDP chief Nara Chandrababu Naidu for his attitude.