ఏడాదిగా కాలేజ్ విద్యార్థినిపై రేప్, యువకుడి అరెస్టు

తిరుచ్చి: ఓ కాలేజీ అమ్మాయిని లోబర్చుకొని ఆమెపై పలుమార్లు అఘాయిత్యానికి పాల్పడి ఆ తర్వాత బలవంతంగా రేప్ చేసిన ఓ యువకుడిని పోలీసులు మంగళవారం అదుపులోకి తీసుకున్నారు. నిందితుడు ఇరవయ్యారేళ్ల రంగనాథన్ అతని తల్లిదండ్రులతో పాటు తిరుచ్చిలోని జీవానగర్‌లో అద్దె ఇంట్లో ఉంటున్నారు. వారు మొదటి ఫ్లోర్‌లో ఉంటున్నారు. రంగనాథన్ డ్రైవర్‌గా పని చేస్తున్నాడు. గ్రౌండ్ ఫ్లోర్‌లో ఇంటి యజమాని కుటుంబం ఉంటోంది. యజమాని కూతురు సమీపంలోని పాలిటెక్నిక్ కళాశాలలో మొదటి సంవత్సరం చదువుతోంది. ఓసారి రంగనాథన్ ఆమెను మాటల ద్వారా లోబర్చుకున్నాడు.

పోలీసులు చెప్పిన వివరాల ప్రకారం రంగనాథన్ ఆమెపై పలుమార్లు బలవంతంగా రేప్‌కు పాల్పడ్డాడు. ఆ తర్వాత బాధితురాలు అతనితో తన సంబంధాన్ని తెంచుకోవాలని చూసినప్పటికీ తమ మధ్య ఉన్న సంబంధాన్ని మీ తల్లిదండ్రులకు చెబుతానని ఆమెను బెదిరింపులకు గురి చేశాడు. అలా సంవత్సరం గడిచిపోయింది. అయితే ఓ సారి ఇంటి యజమానికి తన కూతురు తన ఇంటి ఫై ఫ్లోర్‌లో ఉంటున్న యువకుడితో వ్యవహరిస్తున్న తీరుపై అనుమానం కలిగింది. దీనిపై అతను తన కూతురును గట్టిగా అడిగాడు.

తాను అతనితో కొనసాగించిన సంబంధం, ఆ తర్వాత తాను అతనిని దూరం పెడతామనుకున్నా అతను బెదిరించడం ఇదంతా తండ్రికి పూసగ్రుచ్చినట్లు కూతురు చెప్పింది. తండ్రి వెంటనే స్థానిక మహిళా పోలీసు స్టేషన్ వెళ్లి ఫిర్యాదు చేశాడు. అనంతరం అమ్మాయిని పరీక్షల నిమిత్తం తిరుచ్చి ప్రభుత్వ హాస్పిటల్‌కు తరలించారు.

English summary

A man, who threatened a college-going girl to have sex with him, and later allegedly raped her, has been taken to police custody in Thennur's Jeeva Nagar in Trichy.