బాబు సరే జగన్ కన్పించట్లేదా?: కెసిఆర్‌కు నన్నపనేని

By Srinivas

Published: Thursday, November 17, 2011, 14:10 [IST]

హైదరాబాద్: తమ పార్టీ అధినేత నారా చంద్రబాబు నాయుడుపై నోరు పారేసుకుంటున్న తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావుకు వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి అక్రమాలు కంటికి కనిపించడం లేదా అని తెలుగుదేశం పార్టీ సీనియర్ నాయకురాలు నన్నపనేని రాజకుమారి గురువారం ప్రశ్నించారు. జగన్ అవినీతిపై కెటిఆర్, టిఆర్ఎస్ అధ్యక్షుడు కె చంద్రశేఖర రావు, ఇతర నేతలు ఎందుకు స్పందించడం లేదో చెప్పాలన్నారు.

ఏ తప్పూ చేయని బాబుపై నోరు పారేసుకుంటున్న వారు జగన్‌పై విచారణ నెలల తరబడి జరుగుతున్నా ఎందుకు మాట్లాడక పోవడం వెనుక అసలు ఉద్దేశ్యమేమిటో చెప్పాలన్నారు. ఎమ్మార్‌లో తెలుగుదేశం పార్టీకి వాటా ఉన్నదన్న వ్యాఖ్యల్లో ఎలాంటి నిజం లేదన్నారు. వాస్తవాలను కాలమే నిర్ణయిస్తుందన్నారు.

Published On November 17, 2011