మంత్రి శ్రీధర్‌ని అడ్డుకోకుండా ఎమ్మెల్యే హౌస్ అరెస్టు

కరీంనగర్: పౌర సరఫరాల శాఖ మంత్రి శ్రీధర్ బాబు పాల్గొనే రచ్చబండ కార్యక్రమాన్ని అడ్డుకుంటారనే అనుమానంతో కరీంనగర్ జిల్లా గోదావరిఖని శాసనసభ్యుడు సోమారపు సత్యనారాయణను పోలీసులు శుక్రవారం గృహ నిర్బంధం చేశారు. మంత్రి శ్రీధర్ బాబు శుక్రవారం గోదావరిఖనిలో రచ్చబండ కార్యక్రమంలో పాల్గొననున్నారు. దీంతో ముందస్తుగా పోలీసులు సోమారపును గృహ నిర్బంధం చేశారు. దీంతో కార్యకర్తలు అక్కడకు చేరుకొని ప్రభుత్వానికి, పోలీసులకు వ్యతిరేకంగా నినాదాలు చేశారు.

రచ్చబండ 2 కార్యక్రమం ప్రారంభమైనప్పటి నుండి రాష్ట్రవ్యాప్తంగా తెలుగుదేశం, వైయస్సార్ కాంగ్రెసు పార్టీ కార్యకర్తలు స్థానిక సమస్యల పట్ల అడ్డుకునే ప్రయత్నాలు చేస్తూనే ఉన్నారు. టిఆర్ఎస్ నేతలు తెలంగాణ వాదం, స్థానిక సమస్యల పేరుతో అడ్డుకునే ప్రయత్నాలు చేస్తున్నారు. గురువారం మంత్రి బస్వరాజు సారయ్య రచ్చబండను సమస్యలు పరిష్కరించడం లేదంటూ వరంగల్ పట్టణంలో మహిళలు అడ్డుకున్న విషయం తెలిసిందే.

English summary

Karimnagar district police house arrest MLA Somarapu Satyanarayana today for not obstruct minister Sridhar Babu's rachabanda.