మీడియాపై గుర్రుమన్న జగన్ వర్గం ఎమ్మెల్యే బాలినేని

హైదరాబాద్: మీడియా వార్తలపై వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వర్గానికి చెందిన కాంగ్రెసు శాసనసభ్యుడు, మాజీ మంత్రి బాలినేని శ్రీనివాస రెడ్డి గుర్రుమన్నారు. జగన్ వర్గానికి చెందిన శానససభ్యులు తిరిగి కాంగ్రెసులోకి వెళ్తున్నారంటూ మీడియా తప్పుడు వార్తలు రాస్తోందని ఆయన శనివారం మీడియా ప్రతినిధుల సమావేశంలో అన్నారు. తాము తిరిగి కాంగ్రెసులోకి వెళ్తున్నట్లు ఏ ఒక్క ఎమ్మెల్యే కూడా చెప్పలేదని, అయినా మీడియా ప్రచారం సాగిస్తూనే ఉన్నదని ఆయన అన్నారు. మీడియా తమ ఇష్టానుసారం వార్తలు రాస్తోందని ఆయన విమర్శించారు.

కావాలనే ఈనాడు, ఆంధ్రజ్యోతి పత్రికలు తాము తిరిగి కాంగ్రెసులోకి వెళ్తున్నట్లు వార్తలు రాస్తున్నాయని జగన్ వర్గానికి చెందిన శానససభ్యుడు శివప్రసాద్ రెడ్డి విమర్శించారు. వైయస్ జగన్ మాస్ లీడరని, తాము జగన్ వెంటే ఉంటామని ఆయన అన్నారు. తాము జగన్ వెంట, వైయస్ రాజశేఖర రెడ్డి కుటుంబ సభ్యుల వెనక ఉంటామని, ఈ విషయంలో తాము వెనక్కి తగ్గేది లేదని ఆయన విడిగా మీడియా ప్రతినిధులతో అన్నారు.

English summary

YSR Congress party president YS Jagan camp MLA Balineni Srinivas Reddy refuted media reports.