బాబు ఆస్తులపై మేమే విచారణ చేస్తాం: లక్ష్మినారాయణ

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు ఆస్తులపై కూడా తామే విచారణ జరుపుతామని సిబిఐ జాయింట్ డైరెక్టర్ లక్ష్మినారాయణ చెప్పారు. బడా కేసులను విచారిస్తున్నందున హైదరాబాదు సిబిఐ చంద్రబాబు ఆస్తులపై విచారణను చేపట్టకపోవచ్చుననే వార్తలు వచ్చాయి. ఈ స్థితిలో లక్ష్మినారాయణ శనివారం మీడియా ప్రతినిధులకు ఆ వివరణ ఇచ్చారు. చంద్రబాబుపై వేసిన ఫిర్యాదు పత్రం తమకు అందలేదని, దాని కోసం హైకోర్టును కోరామని, అది అందిన వెంటనే చంద్రబాబు ఆస్తులపై విచారణ చేపడతామని ఆయన వివరించారు.

చంద్రబాబు ఆస్తుల కేసులో అదనపు సమాచారాన్ని సేకరిస్తామని ఆయన చెప్పారు. అవసమైతే వాద, ప్రతివాదులను విచారిస్తామని ఆయన చెప్పారు. ప్రాథమిక విచారణ నివేదికపై కేసు నమోదు చేస్తామని ఆయన చెప్పారు. వైయస్ జగన్ ఆస్తులపై విచారణ జరిపినట్లుగానే చంద్రబాబు ఆస్తులపై తాము విచారణ జరుపుతామని ఆయన చెప్పారు. చంద్రబాబు ఆస్తులపై సిబిఐ సోమవారం నుంచి విచారణ జరిపే అవకాశం ఉంది.

English summary

CBI JD Laxminarayana said that TDP president N Chandrababu Naidu' case will be probed by them.