చిరంజీవి సోనియా దృష్టికి తీసుకెళ్లారు: నాగబాబు

By Srinivas

Published: Sunday, November 20, 2011, 15:31 [IST]

హైదరాబాద్: కాపులను బిసిలలో చేర్చే అంశాన్ని తిరుపతి కాంగ్రెసు పార్టీ శాసనసభ్యుడు, తన సోదరుడు చిరంజీవి ఏఐసిసి అధ్యక్షురాలు సోనియా గాంధీ దృష్టికి తీసుకు వెళ్లారని ప్రముఖ నిర్మాత నాగేంద్ర బాబు(నాగబాబు) ఆదివారం అన్నారు. కాపులను బిసిల్లో చేర్చకుంటే కాపులకు మనుగడ కష్టమేనన్నారు. ఇందుకోసం కాపులంతా సంఘటితంగా ఉద్యమించాలని పిలుపునిచ్చారు.

కాగా ఇటీవలె చిరంజీవి న్యూఢిల్లీ వెళ్లి సోనియా గాంధీతో భేటీ అయిన విషయం తెలిసిందే. చిరంజీవికి, ఆయన క్యాడర్‌కు పదవుల విషయంపై ఆమె హామీ ఇచ్చినట్లు భేటీ అనంతరం చిరంజీవి మీడియాతో మాట్లాడుతూ చెప్పారు. దీంతో చిరంజీవికి త్వరలో కేంద్రమంత్రి పదవి వచ్చే అవకాశాలున్నాయని జోరుగా ఊహాగానాలు వస్తున్నాయి.

Published On November 20, 2011