అస్సా, మణిపూర్, నాగాలాండ్‌ల్లో భూకంపం

గౌహతి: భారతదేశంలోని ఈశాన్య రాష్ట్రాలను సోమవారం భూకంపం తాకింది. మయన్మార్, బంగ్లాదేశ్‌ల్లో కూడా భూకంపం వచ్చింది. ఇది రెక్టర్ స్కేలుపై 5.9గా నమోదైంది. దీంతో ప్రజలు తీవ్ర భయాందోళనలకు గురయ్యారు. బంగ్లాదేశ్‌, మయన్మార్‌ల్లో, భారతదేశంలోని అస్సాం, నాగాలాండ్, మణిపూర్ రాష్ట్రాల్లోని చాలా ప్రాంతాల్లో సోమవారం ఉదయం 8 గంటల 47 నిమిషాలకు భూకంపం తాకింది. భారతదేశంలోని ఏడు ఈశాన్య రాష్ట్రాలు - అస్సాం, మేఘాలయ, మిజోరం, త్రిపుర, నాగాలాండ్, అరుణాచల్ ప్రదేశ్, మణిపూర్‌లు ప్రపంచంలో భూకంప తాకిడికి అవకాశం ఉన్న ప్రాంతాల్లో ఆరో స్థానంలో ఉన్నాయి.

ప్రస్తుతం భూకంపాన్ని చవి చూసిన ప్రాంతంలో 1897లో భారీ భూకంపం వచ్చింది. ఇది రెక్టర్ స్కేలుపై 8.7గా నమోదైంది. ఈ భూకంపానికి 16 వేల మందికి పైగా మరణించారు. సెప్టెంబర్‌లో తాకిన భూకంపంలో 50 మందికి పైగా మరణించారు. ఇది రెక్టర్ స్కేలుపై 6.8గా నమోదైంది.

English summary

An earthquake measuring 5.9 on the Richter scale rocked India's northeast, Myanmar and Bangladesh on Monday, triggering panic among people.