పిఒకెను పాక్ భూభాగంగా చూపిన అమెరికా నీతి

న్యూఢిల్లీ: భారత్‌ మాటను పట్టించుకోకుండా ఆమెరికా విదేశాంగ శాఖ చిత్రం పాకిస్తాన్ ఆక్రమిత కాశ్మీర్ (పిఒకె)ను పాకిస్తాన్ భూభాగంగా చూపింది. పిఒకెపై తమకే హక్కు ఉందని భారత్ డిమాండ్ చేస్తూ వస్తోంది. దీన్ని అమెరికా ఏ మాత్రం ఖాతరు చేసిన దాఖలాలు కనిపించడం లేదు. బీజింగ్ ఆక్రమణలో ఉన్న చైనా సరిహద్దులోని అక్సాయి చిన్ ప్రాంతంపై మాత్రం పాయింటర్ ఉంది. భారత్ దాన్ని తమ ప్రాంతంగా చెప్పుకుంటుందనే విషయాన్ని ఆ పాయింటర్ తెలియజేస్తుంది. పిఒకె విషయంలోనే అమెరికా భిన్నమైన వైఖరిని ప్రదర్శించింది. దాన్ని వివాదాస్పద ప్రాంతంగా అమెరికా చిత్రం చెప్పడం లేదు.

పిఒకెను వివాదాస్పద ప్రాంతంగా ఐక్య రాజ్య సమితి చెబుతోంది. దాన్ని పరిగణనలోకి తీసుకోకుండా అమెరికా పాకిస్తాన్‌కు అనుకూల వైఖరిని ప్రదర్శించింది. అమెరికా విదేశాంగ శాఖ వెబ్‌సైట్ చిత్రం పాకిస్తాన్, భారత్ మధ్య ఉద్రిక్తతలను పెంచే ప్రమాదం ఉందనే భావన వ్యక్తమవుతోంది. పాకిస్తాన్ సైన్యం, ఐఎస్ఐ ఉగ్రవాదులతో, తాలిబాన్‌తో సన్నిహిత సంబంధాలు పెట్టుకున్నట్లు సమాచారం ఉన్నప్పటికీ పాకిస్తాన్ పట్ల అమెరికా మెతక వైఖరి అవలంబిస్తోందని చెప్పడానికి ఇదో నిదర్శనమని భద్రతా నిపుణుడు ఎస్‌డి ప్రధాన్ వ్యాఖ్యానించారు.

English summary

With the contentious issue of Pakistan occupied Kashmir featuring in every single diplomatic discussion between both India and Pakistan, the case of distorted Indian map can only add fuel to the already raging fire.