మాయావతి కాంగ్రెసుకు పెద్ద సవాల్ విసిరారు: జూపల్లి

హైదరాబాద్: ఉత్తర ప్రదేశ్ ముఖ్యమంత్రి మాయావతి అసెంబ్లీలో రాష్ట్ర విభజనపై తీర్మానం చేయడం ద్వారా కాంగ్రెసు పార్టీకి అతిపెద్ద సవాల్ విసిరారని ఇటీవలె తెలంగాణ రాష్ట్ర సమితి పార్టీలో చేరిన ఎమ్మెల్యే జూపల్లి కృష్ణారావు మంగళవారం అన్నారు. తన రాజీనామాపై స్పీకర్ నాదెండ్ల మనోహర్‌ను ఆయన మధ్యాహ్నం కలిశారు. అనంతరం మీడియాతో మాట్లాడారు. రాజీనామాకు తాను కట్టుబడి ఉన్నట్లు స్పీకర్‌కు స్పష్టం చేసినట్లు చెప్పారు.

తెలంగాణకు ఇదే సరైన సమయం అన్నారు. దేశాన్ని పాలించే చిత్తశుద్ధి, ధైర్యం కాంగ్రెసుకు లేదన్నారు. సమస్యను పరిష్కరించే ధైర్యం లేక మాట ఇచ్చి వెనుకడుగు వేసిందని ధ్వజమెత్తారు. తెలంగాణ కోసం మంత్రులు, ఎమ్మెల్యేలు వెంటనే రాజీనామా చేయాలని డిమాండ్ చేశారు. ప్రత్యేక రాష్ట్రం కోసం సుమారు ఏడువందల మంది ఆత్మహత్య చేసుకున్న విషయాన్ని అందరూ గుర్తించాలన్నారు.

English summary

Former Minister Jupalli Krishna Rao said today that UP CM Mayawati challenged Congress Party with state divide resolution in UP Assembly.