చంద్రబాబు కేసు: రామోజీరావుకు లక్ష్మీపార్వతి సూచన

By Srinivas

Published: Wednesday, November 23, 2011, 16:23 [IST]

హైదరాబాద్: ఈనాడు సంస్థల అధినేత రామోజీ రావుకు సిబిఐ విచారణ ద్వారా తెలుగుదేశం పార్టీ అధినేత నారా చంద్రబాబు నాయుడుతో సంబంధం లేదని నిరూపించుకునే అవకాశం వచ్చిందని ఎన్టీఆర్ టిడిపి అధ్యక్షురాలు లక్ష్మీ పార్వతి బుధవారం అన్నారు. సిబిఐ విచారణ ఆపాలంటూ రామోజీ రావు, టిడిపి ఎంపీ నామా నాగేశ్వర రావు, టిడిపి నేత సిఎం రమేష్ వేసిన పిటిషన్లను మధ్యాహ్నం సుప్రీం తోసిపుచ్చుతూ హైకోర్టుకు వెళ్లాలని సూచించిన విషయం తెలిసిందే.

దీనిపై లక్ష్మీ పార్వతి స్పందించారు. సుప్రీం తీర్పు ఊహించినదేనన్నారు. చంద్రబాబు, రామోజీరావులకు కోర్టులపై గౌరవం ఉంటే విచారణకు సహకరించాలని డిమాండ్ చేశారు. ఇప్పటికైనా తాను ఎలాంటి అక్రమాలకు పాల్పడలేదని, అలాగే బాబుతో సంబంధం లేదని రామోజీ రావు నిరూపించుకోవాలన్నారు.

Published On November 23, 2011