శరద్ పవార్ చెంపపై కొట్టిన యువకుడు, అరెస్టు

By Srinivas

Published: Thursday, November 24, 2011, 14:54 [IST]

న్యూఢిల్లీ: కేంద్ర మంత్రి శరద్ పవార్‌పై గురువారం దాడి జరిగింది. హర్వీందర్ సింగ్ అనే యువకుడు ధరల పెరుగుదలను నిరసిస్తూ పవార్‌పై న్యూఢిల్లీలోని ఎన్డీఎంసి ఆడిటోరియంలో దాడి చేశారు. హర్వీందర్ సింగ్ ఫోటో గ్రాఫర్‌గా పని చేస్తున్నట్లు తెలుస్తోంది. దేశంలో రోజురోజుకు పెరుగుతున్న ధరల నియంత్రణను, ద్రవ్యోల్భణాన్ని మంత్రిగా ఉండి కూడా అదుపు చేయడంలో విఫలమైనందు వల్లే తాను దాడి చేసినట్లు హర్వీందర్ సింగ్ చెప్పారు. తాను పబ్లిసిటీ కోసం దాడి చేయలేదని నిత్యం పెరుగుతున్న ధరల కారణంగా ఆవేశానికి లోనయ్యానని చెప్పారు.

ఆడిటోరియంలో నడుస్తున్న పవార్ చెంప పైన సింగ్ ఒక్కటిచ్చారు. అనుకోని సంఘటనకు పవార్ బిత్తర పోయారు. వెంటనే అప్రమత్తమైన పోలీసులు హర్వీందర్‌ను అదుపులోకి తీసుకున్నారు. పోలీసులు అతనిని అదుపులోకి తీసుకునే సమయంలోనూ అతను పవార్‌పై తీవ్రస్థాయిలో విరుచుకు పడ్డాడు. కాగా ఇటీవల మాజీ కేంద్ర మంత్రి సుఖ్‌రాం పైనా కూడా ఇతనే దాడి చేసినట్లుగా సమాచారం.

Published On November 24, 2011