ఎంట్రన్స్‌లో బ్లూటూత్‌ద్వారా ఆన్సర్స్, అమ్మాయి అరెస్టు

By Srinivas

Published: Friday, November 25, 2011, 10:21 [IST]

నాగపూర్: పోలీసు రిక్రూట్‌మెంట్ ఎంట్రన్స్ పరీక్షలలో బ్లూటూత్ డివైస్ ద్వారా సమాధానాలు రాబట్టేందుకు ప్రయత్నించిన ఓ విద్యార్థినిని నాగపూర్ పోలీసులు గురువారం అరెస్టు చేశారు. ఇరవయ్యొక్క ఏళ్ల చందా చౌదరి గురువారం ప్రభుత్వ రైల్వే పోలీసు(జిఆర్‌పి) ఎంట్రన్స్ పరీక్షలు రాస్తోంది. పరీక్ష రాసే సమయంలో ఆమె బ్లూటూత్ డివైస్ ద్వారా తన గురువు సందీప్ సర్ నుండి సమాధానాలు రాబట్టేందుకు ప్రయత్నించింది. ఇన్విజిలేటర్‌కు ఆమె కదలికల పైన, లిప్ మూమెంట్స్ పైన అనుమానాలు వచ్చాయి.

ఆమె వద్దకు వెళ్లి చెక్ చేయడంతో బ్లూటూత్ ద్వారా సమాధానాలు తెలుసుకునే ప్రయత్నాన్ని ఇన్విజిలేటర్ గుర్తించాడు. వెంటనే స్థానిక పోలీసులకు సమాచారం అందించడంతో అజ్ని పోలీసులు ఆమెను అదుపులోకి తీసుకున్నారు. చందాకు సహకరించిన ఆమె గురువు సందీప్ పైన కూడా పోలీసులు కేసు బుక్ చేశారు. ఆమె ఉపయోగించిన బ్లూటూత్ డివైస్‌ను పోలీసులు స్వాధీనం చేసుకున్నారు.

Published On November 25, 2011