అలా అయితే వార్త రాసేస్తారా: విలేకరులకు జానా క్లాస్

By Srinivas

Published: Friday, November 25, 2011, 8:55 [IST]

నల్గొండ: పంచాయతీ రాజ్ శాఖ మంత్రి జానారెడ్డికి గురువారం కోపమొచ్చింది. నల్గొండ జిల్లా గుర్రంపోడు మండల కేంద్రంలో రచ్చబండ కార్యక్రమంలో ఆయన పాల్గొన్నారు. ఈ సందర్భంగా ఆయన విలేకరులపై ఆగ్రహం వ్యక్తం చేశారు. ఇటీవల సకల జనుల సమ్మె సమయంలో కొందరు మంత్రి జానారెడ్డి కనిపించడం లేదంటూ పోలీసులకు ఫిర్యాదు చేశారు. దానిని అప్పట్లో వార్తా పత్రికలు రాశాయి. అప్పుడు రాసిన వార్తకు ఆయన ఇప్పుడు విలేకరులపై ఆగ్రహం వ్యక్తం చేశారు.

నాపై ఎవరో ఏదో అంటే రాసేయడమేనా, ప్రతిపక్షాలు ఫిర్యాదు చేసినంత మాత్రాన వాస్తవాలు తెలుకోకుండా అలా చేస్తే ఎలా? ఇదే జర్నలిజం అంటే? అంటూ విలేకరులకు క్లాస్ పీకారు. తాను చాలా సీనియర్ మంత్రినని, నాపై ఆరోపణలు వస్తే వాస్తవాలు తెలియకుండా ఇష్టం వచ్చినట్లు రాయొద్దంటూ విరుచుకు పడ్డారు. అంతేకాద నాపై విమర్శలు వస్తుంటే మీరేం చేస్తున్నారంటూ పక్కనే ఉన్న కాంగ్రెసు నేతల పైనా విరుచుకు పడ్డారు.

Published On November 25, 2011