జగన్‌కు కొర్ల భారతి రాంరాం, జగనంటే అభిమానమే

By Srinivas

Published: Friday, November 25, 2011, 19:07 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం శ్రీకాకుళం జిల్లా టెక్కలి శాసనసభ్యురాలు కొర్ల భారతి కాంగ్రెసు గూటికి తిరిగి వస్తున్నట్లు ప్రకటించారు. ఆమె శుక్రవారం ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణను కలిశారు. ఈ సందర్భంగా ఆమె మాట్లాడారు. తన నియోజకవర్గం అభివృద్ధి పనుల కోసమే తాను కాంగ్రెసులోకి వెళుతున్నట్లు చెప్పారు. ముఖ్యమంత్రి కిరణ్ కుమార్ రెడ్డి, పిసిసి చీఫ్ బొత్స, మంత్రి బాలరాజు భరోసాతోనే తాను తిరిగి వస్తున్నట్లు చెప్పారు.

అయితే తనకు జగన్ పైన అభిమానం మాత్రం ఎప్పటికీ ఉంటుందని చెప్పారు. కాగా భారతి సాయంత్రం ఆరున్నర గంటలకు ముఖ్యమంత్రి క్యాంప్ కార్యాలయంలో కిరణ్‌ను కలవనున్నారు. కొర్ల భారతి స్వయంగా తాను కాంగ్రెసులోకి తిరిగి వెళుతున్నట్లు ప్రకటించడంతో సస్పెన్స్‌కు తెరపడింది. గురువారం ఆమె సిఎం రచ్చబండ కార్యక్రమంలో పాల్గొన్న విషయం తెలిసిందే.

Published On November 25, 2011