నిట్‌లో హాస్టల్‌పై నుంచి దూకిన బిటెక్ విద్యార్థి

వరంగల్: వరంగల్ నిట్‌లో మరో దారుణం చోటు చేసుకుంది. బీటెక్ రెండో సంవత్సరం చదువుతున్న వేణుగోపాల్ అనే విద్యార్థి దాసా హాస్టల్ రెండవ అంతస్తు నుంచి దూకి ఆత్మహత్యాయత్నం చేశాడు. గత రాత్రి జరిగిన ఈ ఘటన ఆలస్యంగా వెలుగులోకి వచ్చింది. తీవ్రంగా గాయపడిన విద్యార్ధిని స్థానిక రోహిణి ఆస్పత్రికి తరలించారు. పరిస్థితి విషమంగా ఉండడంతో అక్కడి నుంచి హైదరాబాద్‌కు తరలించినట్లు సమాచారం. ఇటీవలి కాలంలో ఇది నిట్‌లో మూడో సంఘటన.

దాసా హాస్టల్‌లో ఎక్కువగా విదేశీయులు ఉంటారు. అక్కడికి వేణుగోపాల్ ఎందుకు వెళ్ళాడనే విషయంపై అనుమానాలు రేకెత్తుతున్నాయి. ఆత్మహత్యా యత్నమేనా, లేకుంటే ఎంకేమైనా జరిగిందా అనే సందేహాలు వ్యక్తమవుతున్నాయి. దీనిపై యాజమాన్యం ఏమీ మాట్లాడడంలేదు. విచారణ జరిపిన అనంతరం స్పందిస్తామని చెప్పుతోంది. విద్యార్థి తల్లిదండ్రులకు సమాచారం ఇచ్చినట్లు తెలియవచ్చింది.

English summary

B Tech second year student Venugopal attempted suicide in NIT at Warangal.