బాలకృష్ణకు కోర్టు సమన్లు జారీ, రోడ్డు షోపై కేసు

నెల్లూరు: తెలుగుదేశం పార్టీ నాయకుడు, సినీ హీరో నందమూరి బాలకృష్ణకు నెల్లూరు జిల్లా నగర ప్రత్యేక ఎక్సైజ్ కోర్టు సమన్లు జారీ చేసింది. కోర్టు మెజిస్ట్రేట్ జి. కాంతిమతి గురువారం ఆ సమన్లు జారీ చేశారు. గత లోకసభ, శాసనసభ ఎన్నికల సందర్భంగా 2009 మార్చి 9వ తేదీన నెల్లూరు జిల్లాలోని సర్వేపల్లి క్రాస్ రోడ్డు వద్ద జాతీయ రహదారిపై తెలుగుదేశం పార్టీ అధ్వర్యంలో జరిగిన రోడ్ షోలో పాల్గొన్నారు. నిబంధనలకు

విరుద్ధంగా రోడ్డు షో నిర్వహించారనే ఆరోపణపై కేసు నమోదైంది. నిబంధనలకు విరుద్ధంగా రోడ్ షో నిర్వహించి, ట్రాఫిక్‌కు తీవ్ర అంతరాయం కలిగించినందుకు బాలకృష్ణ, సోమిరెడ్డి చంద్రమోహన్ రెడ్డి, ఉక్కాల రాజేశ్వరమ్మ, తాతా నాగేశ్వర రావు, ఆర్. భాస్కర రెడ్డి, నూనె మల్లికార్జున యాదవ్, చాట్ల వెంకటసుబ్బయ్య, కోడూరు కమలాకర్ రెడ్డిలపై అప్పట్లో వెంకటాచలం సత్రం పోలీసులు వివిధ సెక్షన్ల కింద కేసు నమోదు చేశారు.

English summary

Nellore Court summoned TDP leader and cine hero Nandamuri Balakrishna.