ఆమరణ దీక్ష యోచనలో ప్రభాకర్, వట్టి అరెస్టుకు డిమాండ్

By Pratap

Published: Thursday, December 1, 2011, 11:55 [IST]

ఏలూరు: పశ్చిమ గోదావరి జిల్లా దెందులూరు రచ్చబండ వేదిక మీద జరిగిన ఘర్షణ ముదురుతోంది. మంత్రి వట్టి వసంతకుమార్, తెలుగుదేశం శాసనసభ్యుడు ప్రభాకర్ కొట్టుకున్న విషయం తెలిసిందే. ఈ సమయంలో ఇరువురిపై పోలీసులు కేసు నమోదు చేశారు. ప్రభాకర్‌పై వివిధ సెక్షన్ల కింద పెట్టారు. అందులో నాన్ బెయిలబుల్ కేసు కూడా ఉంది. ప్రభాకర్‌ను పోలీసులు అరెస్టు చేసి, ఏలూరు త్రీటౌన్ పోలీసు స్టేషనుకు తరలించారు. పోలీసు స్టేషనులో హై డ్రామా చోటు చేసుకుంది. ప్రభాకర్‌కు వైద్య పరీక్షలు నిర్వహించారు.

మంత్రి వట్టి వసంత కుమార్‌ను కూడా అరెస్టు చేయాలని ప్రభాకర్ డిమాండ్ చేస్తున్నారు. మంత్రిని అరెస్టు చేయకపోతే తాను ఆమరణ దీక్ష చేస్తానని ఆయన హెచ్చరిస్తున్నారు. ప్రభాకర్ అరెస్టుకు నిరసనగా తెలుగుదేశం పార్టీ కార్యకర్తలు ఆందోళనకు దిగారు. ప్రభాకర్ అరెస్టును తెలుగుదేశం నాయకుడు కె. ఎర్రంనాయుడు హైదరాబాదులో ఖండించారు. మొత్తం మీద వివాదం ముదురుతోంది.

Published On December 1, 2011