రాజీనామా చేస్తే విప్ జారీ చేస్తారా?: చంద్రబాబుకు నాగం

హైదరాబాద్: తాము తెలుగుదేశం పార్టీకి, శాసనసభ్యత్వానికి రాజీనామా చేసినప్పటికీ పార్టీ తమకు విప్ జారీ చేయడం విడ్డూరంగా ఉందని తెలంగాణ నగారా సమితి అధ్యక్షుడు నాగం జనార్ధన్ రెడ్డి శనివారం అన్నారు. తమకు విప్ జారీ చేసే నైతిక హక్కు టిడిపికి లేదన్నారు. రాజీనామాలు పెద్ద ఎత్తున పెండింగులో పెట్టి, వారానికి ఒకటి, రెండు మాత్రమే విచారిస్తూ స్పీకర్ నాదెండ్ల మనోహర్ జిల్లాల పర్యటనలు చేస్తున్నారని విమర్శించారు. రాజీనామాలు, విప్ జారీలు స్పీకర్, టిడిపి చీఫ్ నారా చంద్రబాబు నాయుడు కలిసి అడుతున్న దొంగనాటకాలన్నారు.

రాష్ట్రంలో అసలు ప్రభుత్వమే లేదని, అసెంబ్లీలో స్పీకర్ కార్యాలయం కూడా పని చేయడం లేదని విమర్శించారు. చాప్టర్-8ని అమలు చేస్తున్నారని ధ్వజమెత్తారు. కాగా డిసెంబర్ 1వ తేది నుండి అసెంబ్లీ సమావేశాలు ప్రారంభమవుతున్న నేపథ్యంలో రెండు రోజుల క్రితం టిడిపి ఎమ్మెల్యేలకు పార్టీ విప్ జారీ చేసిన విషయం తెలిసిందే.

English summary

Telangana Nagara Samithi president Nagam Janardhan Reddy questioned TDP chief Nara Chandrababu Naidu for issue party whip.