ఎన్నికలయ్యాక ఎవరైనా కొనవచ్చు: జగన్ నేతపై ఆనం

By Srinivas

Published: Tuesday, November 29, 2011, 16:35 [IST]

నెల్లూరు: కొవూరు మాజీ శాసనసభ్యుడు నల్లపురెడ్డి ప్రసన్న కుమార్ రెడ్డి రాజకీయాల్లో నిత్య పెళ్లి కూతురు అని ఆయనను ఎవరైనా కొనుక్కోవచ్చునని శ్రీ పొట్టి శ్రీరాములు నెల్లూరు జిల్లా శాసనసభ్యులు ఆనం వివేకానంద రెడ్డి మంగళవారం అన్నారు. నల్లపురెడ్డి ఎన్నికల సమయంలో తాలిబొట్టు మెడలో వేసుకుంటాడని ఆ తర్వాత దానిని తెంచి ఫర్ సేల్ బోర్డు పెడతారని విమర్శించారు. అప్పుడు డబ్బు ఇచ్చి ఎవరైనా కొనుక్కోవచ్చునన్నారు.

ఉప ఎన్నికల పేరుతో నల్లపురెడ్డి పారిశ్రామికవేత్తల నుంచి రూ.50 కోట్లు వసూలు చేశారని ఆయన అనుమానం వ్యక్తం చేశారు. ఎన్నికల్లో యాభై కోట్లు టార్గెట్‌గా పెట్టుకున్నారని విమర్శించారు. ప్రసన్న ఓ పొలిటికల్ వైట్ కాలర్ బ్రోకర్ అంటూ ధ్వజమెత్తారు. కాగా తెలుగుదేశం పార్టీ నుండి గెలుపొందిన నల్లపురెడ్డి జగన్‌కు మద్దతు పలకడం, ఆ తర్వాత రాజీనామా చేయడం తెలిసిందే. ఇటీవలె ఆయన రాజీనామాను స్పీకర్ ఆమోదించారు. దీంతో కొవూరులో త్వరలో ఉప ఎన్నికలు జరగనున్నాయి.

Published On November 29, 2011