మహిళా టెక్కీ ఆత్మహత్య, బాయ్‌ఫ్రెండ్ పేరెంట్స్ వల్లే

By Pratap

Published: Tuesday, November 29, 2011, 16:03 [IST]

బెంగళూర్: కర్ణాటక రాజధాని బెంగళూర్‌లో ఓ మహిళా సాఫ్ట్‌వేర్ ఇంజనీర్ ఆత్మహత్య చేసుకుంది. బెంగళూర్‌లోని బిటిఎం లేఅవుట్‌లో గల లేడీస్ పిజిలో ఆమె సోమవారం ఈ దారుణానికి ఒడిగట్టింది. ఆమె జంషెడ్‌పూర్‌కు చెందిన టెక్కీ. ఛాయా సింగ్ అనే ఆ యువతి బాయ్ ఫ్రెండ్ తల్లిదండ్రులు తమ కుమారుడితో పెళ్లికి నిరాకరించడంతో ఆత్మహత్య చేసుకున్నట్లు తెలుస్తోంది. ఎలక్ట్రానిక్ సిటీలో సాఫ్ట్‌వేర్ ఇంజనీర్‌గా పనిచేస్తున్న ఛాయా సింగ్ రెండేళ్లుగా మరో మహిళతో కలిసి పిజిలో ఉంటోంది.

తాను ఆత్మహత్య చేసుకుంటున్నందుకు క్షమాపణలు చెబుతూ ఇందుకు ఎవరూ బాధ్యులు కారని సూసైడ్ నోట్‌లో రాసింది. కాగా, ఇన్ఫోసిస్‌ టెక్నాలజీస్‌లో అసిస్టెంట్ మేనేజర్‌గా పనిచేస్తున్న స్మితారావు ఆత్మహత్య చేసుకున్న విషయం తెలిసిందే. భర్త వేధింపుల వల్లనే తమ కూతురు ఆత్మహత్య చేసుకుందని రచయిత్రి, జర్నలిస్టు స్మితారావు తల్లిదండ్రులు ఆరోపిస్తున్నారు.

Published On November 29, 2011