శ్రీలక్ష్మి బెయిల్‌పై అభ్యంతరాలున్నాయా?: సిబిఐకి కోర్టు

హైదరాబాద్: గాలి జనార్ధన్ రెడ్డి ఓబుళాపురం మైనింగ్ కంపెనీ అక్రమాల కేసులో అరెస్టైన ఐఏఎస్ అధికారిణి శ్రీలక్ష్మి బెయిల్ పిటిషన్‌పై ఏమైనా అభ్యంతరాలు ఉంటే చెప్పాలని సిబిఐ ప్రత్యేక న్యాయస్థానం బుధవారం సిబిఐని ఆదేశించింది. రెండు రోజుల క్రితం శ్రీలక్ష్మిని సిబిఐ అధికారులు అరెస్టు చేసిన విషయం తెలిసిందే. తనకు బెయిల్ ఇవ్వాలని ఆమె ఈరోజు కోర్టులో పిటిషన్ దాఖలు చేశారు. ఈ పిటిషన్‌పై కోర్టు రేపు విచారణ జరపనుంది. దీనిపై సిబిఐ రేపటిలోగా కౌంటర్ దాఖలు చేయాలి.

తనను ప్రత్యేక ఖైదీగా గుర్తించాలని కూడా కోర్టులో శ్రీలక్ష్మి పిటిషన్ దాఖలు చేశారు. దానిని డిసెంబర్ 2వ తేదికి మంగళవారమే వాయిదా వేశారు. కాగా శ్రీలక్ష్మి సిబిఐ కస్టడీ శుక్రవారం సాయంత్రంతో ముగుస్తుంది. ఆమెను సాయంత్రం నాలుగు గంటల ప్రాంతంలో కోర్టులో హాజరుపర్చే అవకాశముంది.

English summary

CBI court questioned CBI officers on IAS Srilaxmi bail petition today.