బాబు అవిశ్వాసం ఎదుర్కొంటాం, జగన్‌నూ: సిఎం ధీమా

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు పెట్టే అవిశ్వాస తీర్మానాన్ని సమర్థవంతంగా ఎదుర్కొంటామని ముఖ్యమంత్రి కిరణ్ కుమార్ రెడ్డి మంత్రుల వద్ద ధీమా వ్యక్తం చేశారు. తెలుగుదేశం పార్టీ అవిశ్వాసం వల్ల ప్రభుత్వానికి వచ్చే నష్టమేమీ లేదన్నారు. రాజకీయంగా ధీటైన సమాధానం చెప్పే అవకాశం వచ్చిందని ఆయన అభిప్రాయపడ్డారు. జగన్ వర్గానికి చెందిన కాంగ్రెసు ఎమ్మెల్యేలంతా ప్రభుత్వానికి అనుకూలంగా ఓటు వేస్తారనే గట్టి నమ్మకంతో ఉన్నట్లుగా కనిపిస్తోంది. వైయస్ జగన్ విమర్శలు ధాటిగా ఎదుర్కోవాలని మంత్రులకు సిఎం సూచించారు.

మంత్రి శంకర్ రావు తీరుపై కొందరు అసంతృప్తి వ్యక్తం చేయగా ఆయన వ్యవహారం అధిష్టానం దృష్టికి తీసుకెళ్లానని మరోసారి గులాం నబీ ఆజాద్ దృష్టికి తీసుకు వెళతానని చెప్పారు. అసెంబ్లీ సమావేశాలకు మంత్రులందరూ సమాయత్తం కావాలని సూచించారు. టిడిపి అవిశ్వాసం తీర్మానం ప్రవేశ పెట్టడం తదనంతర పరిణామాలను బట్టి నడుచుకోవాలని ప్రభుత్వం నిర్ణయించుకున్నట్లుగా తెలుస్తోంది.

English summary

CM Kiran Kumar Reddy is very confident on no-confidential vote.