ప్రస్తుతానికి కాంగ్రెస్ ఎంపీనే:జగన్‌కు సబ్బం హరి ఝలక్

By Srinivas

Published: Wednesday, November 30, 2011, 13:58 [IST]

న్యూఢిల్లీ: తాను ప్రస్తుతానికి కాంగ్రెసు పార్టీ పార్లమెంటు సభ్యుడినేనని అనకాపల్లి ఎంపీ, వైయస్సార్ కాంగ్రెసు పార్టీ చీఫ్ వైయస్ జగన్మోహన్ రెడ్డి వర్గం నేత సబ్బం హరి బుధవారం స్పష్టం చేశారు. ఆయన ప్రధానమంత్రి మన్మోహన్ సింగ్ ఇంట్లో జరిగిన కాంగ్రెసు పార్లమెంటరీ సమావేశానికి హాజరయ్యారు. అనంతరం ఆయన మాట్లాడుతూ తాను కాంగ్రెసు టిక్కెట్‌పై గెలిచానని కాబట్టే సమావేశానికి హాజరైనట్లు చెప్పారు.

వచ్చే ఎన్నికల్లో తాను వైయస్సార్ కాంగ్రెసు పార్టీ తరఫున పోటీ చేస్తానని చెప్పారు. అప్పటి వరకు కాంగ్రెసు ఆదేశాలు పాటిస్తానన్నారు. పార్లమెంటులో ఉన్నంత వరకు తాను కాంగ్రెసు ఎంపీనే అవుతానని, అయితే జగన్ ఎప్పుడు బయటకు రమ్మంటే అప్పుడు వెళ్లేందుకు తాను సిద్ధంగా ఉన్నానన్నారు. చంద్రబాబునాయుడు కిరణ్ ప్రభుత్వంపై అవిశ్వాసం పెడితే మద్దతిస్తామన్నారు.

Published On November 30, 2011