దయచేసి ఫంక్షన్‌కు అభిమానులు రావద్దు: నాగబాబు

హైదరాబాద్: చిరంజీవి అభిమానులు దయచేసి రాంచరణ్ తేజ - కామినేని ఉపాసన ఎంగేజ్‌మెంట్‌కు రావద్దని మెగా బ్రదర్ నాగబాబు బుధవారం అభిమానులకు విజ్ఞప్తి చేశారు. గురువారం జరగబోయే ఫంక్షన్ ప్రయివేటు ఫంక్షన్ అని దానికి కొందరే వస్తారని అభిమానులు రావద్దని కోరారు. ఎంగేజ్‌మెంట్ తర్వాత అభిమానులకు ప్రత్యేక ఫంక్షన్ ఏర్పాటు చేస్తామని చెప్పారు. చెర్రీ నిశ్చితార్థానికి భారీ భద్రత ఏర్పాటు చేస్తున్నట్లు సైబరాబాద్ సిపి ద్వారకా తిరుమల రావు చెప్పారు.

కాగా ఈ ఎంగేజ్‌మెంట్‌కి వచ్చే వారికి కార్డులు ఉంటేనే లోపలకు అనుమతిస్తారట. కాగా నిశ్చితార్థానికి ముందు రోజైన ఈ రోజు(నవంబర్ 30) మెగా, కామినేని కుటుంబ సభ్యులు హైదరాబాద్ జూబ్లీ హిల్స్ అపోలో హాస్పటల్ కు చేరుకుని ఆసుపత్రి ప్రాంగణంలో ఉన్న వెంకటేశ్వర స్వామి ఆలయంలో పూజలు నిర్వహించారు. ఈ కార్యర్రమానికి చిరంజీవి దంపతులు, ఉపాసన తల్లిదండ్రులు, ఉపాసన తాత ప్రతాప్ సి. రెడ్డి, రామ్ చరణ్, ఉపాసనతో పాటు ఇతర కుటుంబ సభ్యులు హాజరయ్యారు. ఆహ్వానితులకు తప్ప మరెవ్వరికీ ఎంగేజ్మెంట్
వేడుకకు అనుమతి లేదని తేల్చి చెప్పారు.

English summary

Naga Babu appealed Chiranjeevi fans to do not come to Ramcharan Tej engagement.