సెక్స్ రాకెట్ నడుపుతున్న సినీ నటి ఆరెస్టు

పూణే: సెక్స్ రాకెట్ నడుపుతున్న 52 ఏళ్ల మరాఠీ అలనాటి నటిని పూణే సామాజిక భద్రతా విభాగం (ఎస్ఎస్‌సి) పోలీసులు అరెస్టు చేశారు. కోంఢ్వాలోని ఎన్ఐబిఎం రోడ్డులో గల ఆర్కిడ్ ప్యాలెస్‌లో ఆమె ఈ సెక్స్ రాకెట్‌ను నడుపుతోంది. పద్మజా విశ్వనాథ్ బాపట్ అనే ఆ నటితో పాటు 28, 30 ఏల్లు గల మరో ఇద్దరు మహిళలను పోలీసులు అరెస్టు చేశారు. వారిపై వివిధ సెక్షన్ల కింద పోలీసులు కేసులు నమోదు చేశారు. బాపట్ తన భవనంలో సెక్స్ రాకెట్‌ను నడుపుతోందని పోలీసులు చెప్పారు. గత నాలుగేళ్లుగా ఆమె ఈ పని చేస్తోందని, విటుల నుంచి 4 వేల నుంచి 5 వేల రూపాయలు వసూలు చేస్తూ వస్తోందని వారన్నారు.

తమ కానిస్టేబుల్‌కు అశోక్ టకాల్కర్‌కు అందిన సమాచారం మేరకు నకిలీ విటుడిని పంపామని, ఆ తర్వాత ఆ భవనంపై దాడి చేసి మహిళలను అరెస్టు చేసామని సీనియర్ పోలీసు ఇన్‌స్పెక్టర్ భానుప్రతాప్ బార్గే చెప్పారు. కోల్హాపూర్‌కు చెందిన బాపట్ భర్తతో విడాకులు తీసుకున్న తర్వాత 2004లో పూణేకు మారిందని, కొన్ని మరాఠీ నాటకాల్లో నటించిందని, మారాఠీ చిత్రాల్లో కూడా నటించిందని ఆయన చెప్పారు.

English summary

The social security police of Pune police have arrested a Marathi actress for running Sex Racket.