జగన్‌ను బెదిరించాలనే టిడిపి అవిశ్వాసం: మేకపాటి

By Srinivas

Published: Thursday, December 1, 2011, 16:07 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డిని బెదిరించాలనే ఉద్దేశ్యంతోనే తెలుగుదేశం, కాంగ్రెసు పార్టీలు కుమ్మక్కై అవిశ్వాసం డ్రామా ఆడుతున్నాయని జగన్ వర్గం కాంగ్రెసు ఎంపీ మేకపాటి రాజమోహన్ రెడ్డి గురువారం విలేకరులతో అన్నారు. జగన్‌ను బద్నాం చేసేందుకు చంద్రబాబు, కిరణ్ కుమార్ రెడ్డి ప్రయత్నాలు చేస్తున్నారని విమర్శించారు. టిడిపి రైతుల సమస్యలపై అవిశ్వాసం పెడితే వైయస్సార్ అభిమాన ఎమ్మెల్యేలు మద్దతు ఇస్తారని స్పష్టం చేశారు.

కిరణ్ ప్రభుత్వం పడిపోదనే ధీమా కారణంగానే చంద్రబాబు అవిశ్వాసం పెడుతున్నారని విమర్శించారు. అదో డ్రామా అంటూ ధ్వజమెత్తారు. రాష్ట్రంలో ఎప్పుడు ఎన్నికలు వచ్చినా కాంగ్రెసు, టిడిపిలకు డిపాజిట్లు గల్లంతవడం ఖాయమన్నారు. తాజా రాజకీయ పరిస్థితులపై తమ ఎమ్మెల్యేలు చర్చించారన్నారు.

Published On December 1, 2011