అసెంబ్లీ ప్రాంగణంలో నేతల కండువాల మార్పిడి

హైదరాబాద్: సమావేశాలు ప్రారంభమైన గురువారం అసెంబ్లీ ప్రాంగణంలో కొన్ని ఆసక్తికర సంఘటనలో చోటు చేసుకున్నాయి. కాంగ్రెసు, తెలుగుదేశం, తెలంగాణ రాష్ట్ర సమితి పార్టీ నేతలు పార్టీ కండువాలు మార్చుకొని హడావుడి సృష్టించారు. అసెంబ్లీ ప్రారంభానికి ముందు టిడిపి రెబల్ ఎమ్మెల్యే వేణుగోపాల చారి అసెంబ్లీ ప్రాంగణంలో ఉన్న టిడిపి ఎమ్మెల్యేలతో కాసేపు ముచ్చటించారు. ఈ సమయంలో టిడిపి నేతలు ఆయన మెడలో పార్టీ కండువా వేశారు.

సమావేశాల అనంతరం కరీంనగర్ జిల్లా స్వతంత్ర్య ఎమ్మెల్యే సోమారపు సత్యనారాయణ గండ్ర వెంకటరమణా రెడ్డి వంటి కాంగ్రెసు ఎమ్మెల్యేలతో మాట్లాడుతున్నారు. ఈ సమయంలో ఓ కాంగ్రెసు ఎమ్మెల్యే సోమారపు మెడలో కాంగ్రెసు కండువా కప్పారు. వెంటనే సోమారపు తన మెడలో వేసిన కాంగ్రెసు కండువాతో పాటు అప్పటికే మెళ్లో ఉన్న గులాబీ కండువాను తీసి గండ్ర మెడలో వేశారు. మరో కాంగ్రెసు ఎమ్మెల్యే గండ్ర మెడలోని గులాబీ కండువా తీసి మళ్లీ సోమారపు మెడలో వేశారు. ఈ కండువాల మార్పిడి వారిలో నవ్వులు కురిపించడం విశేషం.

English summary

Some attractive incidents took place at assembly premises today.