నినాదాలే, సాధించేది లేదు:తెలంగాణపై జెసి కామెంట్

By Srinivas

Published: Friday, December 2, 2011, 11:30 [IST]

హైదరాబాద్: తెలంగాణ విషయంలో నినాదాలు చేయడం మినహా చేసేదేమీ ఉండదని అనంతపురం జిల్లా సీనియర్ కాంగ్రెసు శాసనసభ్యుడు, మాజీ మంత్రి జెసి దివాకర్ రెడ్డి శుక్రవారం అన్నారు. విషయానికొస్తే ఉదయం అసెంబ్లీ సమావేశాలు వాయిదా పడిన అనంతరం తెలంగాణ ప్రాంతానికి చెందిన ఎమ్మెల్యే లక్ష్మా రెడ్డి ముఖ్యమంత్రి కిరణ్ కుమార్ రెడ్డి ఛాంబర్ వద్ద జై తెలంగాణ అంటూ నినాదాలు చేశారు. అక్కడే ఉన్న జెసి దివాకర్ రెడ్డి స్పందిస్తూ నినాదాలకే పరిమితం సాధించేది మాత్రం ఏమీ లేదని చురక వేశారు.

కాగా తెలుగుదేశం పార్టీ ఇచ్చిన అవిశ్వాసం నోటీసు అందిందని స్పీకర్ నాదెండ్ల మనోహర్ చెప్పారు. అవిశ్వాసంపై నిబంధనల ప్రకారం నడుచుకుంటానని చెప్పారు. మరోవైపు ఎంఐఎం పార్టీకి చెందిన ఎమ్మెల్యేలతో ముఖ్యమంత్రి కిరణ్ కుమార్ రెడ్డి తన ఛాంబర్‌లో భేటీ అయ్యారు. కాగా అసెంబ్లీ రెండుసార్లు వాయిదా పడిన అనంతరం మళ్లీ ప్రారంభమైంది.

Published On December 2, 2011