సభలో అవిశ్వాసం రగడ: అసెంబ్లీ రేపటికి వాయిదా

హైదరాబాద్: అసెంబ్లీలో శుక్రవారం గందరగోళం చెలరేగడంతో స్పీకర్ నాదెండ్ల మనోహర్ సభను శనివారానికి వాయిదా వేశారు. తాము ఇచ్చిన అవిశ్వాస తీర్మానంపై చర్చించాలని ఓవైపు తెలుగుదేశం పార్టీ, తెలంగాణపై తీర్మానం ప్రవేశ పెట్టాలని టిఆర్ఎస్ ఎమ్మెల్యేలు డిమాండ్ చేస్తూ స్పీకర్ పోడియాన్ని చుట్టుముట్టారు. దీంతో చేసేది లేక నాదెండ్ల అసెంబ్లీని వాయిదా వేశారు. అంతకుముందు సభ ప్రారంభం కాగానే గందరగోళం చెలరేగడంతో మొదటిసారి పది నిమిషాలు, ఆ తర్వాత అర్ధగంట వాయిదా వేశారు. మూడోసారి సభ పదకొండు గంటలకు ప్రారంభమయ్యాక టిడిపి, టిఆర్ఎస్ ఎమ్మెల్యేలు పోడియం చుట్టుముట్టడంతో మరోసారి వాయిదా పడింది.

సభలో నిరసనల మధ్యే ప్రభుత్వం పలు బిల్లులు ఆమోదించింది. కాగా గురువారం నల్లటి టి-షర్ట్స్‌తో వచ్చిన టిఆర్ఎస్ ఎమ్మెల్యేలు శుక్రవారం తెలంగాణపై తీర్మానం ప్రవేశ పెట్టాలనే నినాదంతో ఉన్న తెల్ల టి-షర్ట్స్ వేసుకొచ్చారు. సభ వాయిదా పడిన అనంతరం వారు చెరుకు సుధాకర్ పైన పెట్టిన పిడి యాక్టు ఎత్తేయాలంటూ సిఎం ఛాంబర్ వద్ద బైఠాయించారు.

English summary

Speaker Nadendla Manohar adjourned Assembly. TDP and TRS rounded speaker chamber and demanded for no-confidence motion.