అవిశ్వాసం ఎందుకో చెప్పలేదు: మంత్రి శ్రీధర్ బాబు ఫైర్

హైదరాబాద్: తెలుగుదేశం పార్టీ అవిశ్వాస తీర్మానంపై పౌరసరఫరాల శాఖ మంత్రి శ్రీధర్ బాబు శుక్రవారం తీవ్రస్థాయిలో ధ్వజమెత్తారు. అవిశ్వాసంపై టిడిపి చేస్తున్నదమంతా రాజకీయ డ్రామానేనని ఆయన విమర్శించారు. ఆ పార్టీ ఇచ్చిన అవిశ్వాస తీర్మానం నోటీసులో అది తాము ఎందుకు పెడుతున్నామో చెప్పలేదని కేవలం ఏకవాక్యంతో ఇచ్చారని తప్పు పట్టారు. టిడిపిలోనే అవిశ్వాసంపై రెండు వాదనలు ఉన్నాయని విమర్శించారు.

కొందరు అవిశ్వాసం, మరికొందరు తెలంగాణ బిల్లు అంటూ చేస్తున్న భిన్న వాదనలు ద్వంద వైఖరి కాదా అని ఆయన ప్రశ్నించారు. కరవు సహా ఎలాంటి అంశంపైన అయినా ప్రభుత్వం చర్చించేందుకు సిద్ధంగా ఉందన్నారు. సంఖ్యాపరంగా ప్రభుత్వానికి ఎలాంటి ఇబ్బందులు లేవని స్పష్టం చేశారు. టిడిపి అవిశ్వాసాన్ని సమర్థవంతంగా ఎదుర్కొంటామన్నారు.

English summary

Minister Sridhar Babu questioned about Telugudesam Party no-confidence motion. He accused that there is no reason in tdp's letter why they are asking for.