చిరంజీవికి ఇదే ఆఖరి ఛాన్స్: వైయస్సార్సీ నేత అంబటి

By Srinivas

Published: Sunday, December 4, 2011, 17:45 [IST]

హైదరాబాద్: తిరుపతి శాసనసభ్యుడు చిరంజీవికి తన పార్టీ శాసనసభ్యులకు విప్ జారీ చేయడానికి ఇదే ఆఖరి అవకాశమని వైయస్సార్ కాంగ్రెసు పార్టీ అధికార ప్రతినిధి అంబటి రాంబాబు ఆదివారం పెడన పార్టీ సమావేశంలో అన్నారు. చిరంజీవి ఈ సదవకాశాన్ని ఉపయోగించుకోవాలని సూచించారు. కాంగ్రెసు పార్టీ శాసనసభ్యులు తెలుగుదేశం పార్టీ పెట్టిన అవిశ్వాస తీర్మానానికి వ్యతిరేకంగా ఓటు వేస్తే దివంగత ముఖ్యమంత్రి వైయస్ రాజశేఖర రెడ్డికి వెన్నుపోటు పొడిచినట్లేనని అభిప్రాయపడ్డారు.

కాగా హైదరాబాదులో పిఆర్పీ ఎమ్మెల్యేలు జగన్‌తో సమావేశమై టిడిపి అవిశ్వాసానికి అనుకూలంగా ఓటు వేయాలని నిర్ణయం తీసుకున్న విషయం తెలిసిందే. అయితే అదే సమయంలో ఎంతమంది తమతో ఉంటారు, ఎంతమంది అవిశ్వాసానికి అనుకూలంగా ఓటు వేస్తారనే విషయాన్ని స్పష్టంగా చెప్పలేక పోయారు. ఎంతమంది అవిశ్వాసానికి మద్దతిస్తారనేది రేపు చేతులు ఎత్తినప్పుడే తెలుస్తుందని తప్పించుకునే ప్రయత్నాలు చేశారు. అంతేకాకుండా ప్రభుత్వాన్ని పడగొట్టే ఉద్ధేశ్యం లేదని చెప్పారు.

Published On December 4, 2011