శక్తినివ్వమని ప్రార్థించా: శ్రీవారి సేవలో సిబిఐ జెడి, సిద్దూ

By Srinivas

Published: Wednesday, December 7, 2011, 9:18 [IST]

తిరుపతి: నిత్యం కేసులు, విచారణలతో బిజీ బిజీగా ఉండే సిబిఐ జాయింట్ డైరెక్టర్ లక్ష్మీనారాయణ మంగళవారం తిరుపతి శ్రీ వేంకటేశ్వర స్వామిని దర్శించుకున్నారు. కుటుంబ సమేతంగా ఆయన తిరుమల వచ్చారు. ఉదయం తిరుమల చేరుకున్న ఆయన, కుటుంబ సభ్యులు శ్రీవారి పాదాలు, శిలాతోరణం, పాపవినాశనం, జాపాలి, వేణుగోపాల స్వామి తదితర ఆలయ ప్రాంతాలను సందర్శించారు. రాత్రి స్వామి వారిని విశ్రాంతి సమయంలో దర్శించుకున్నారు. ఈ సందర్భంగా ఆయన మాట్లాడుతూ తమకు శక్తినివ్వమని దేవుడిని ప్రార్థించామన్నారు.

బుధవారం ఉదయం మాజీ క్రికెటర్, భారతీయ జనతా పార్టీ సీనియర్ ఎంపీ నవజ్యోత్ సింగ్ సిద్దూ వేంకటేశ్వరుని దర్శించుకున్నారు. కాగా తిరుమలలో భక్తుల రద్దీ సాధారణంగా ఉంది. స్వామి వారి దర్శనం కోసం 10 కంపార్డుమెంటులలో భక్తులు వేచి ఉన్నారు. శ్రీవారి సర్వ దర్శనానికి ఎనిమిది గంటలు, ప్రత్యేక దర్శనానికి మూడు గంటల సమయం పడుతోంది.

Published On December 7, 2011