సత్యం స్కామ్‌లో ఇద్దరు ఆడిటర్లపై జీవిత కాలం నిషేధం

న్యూఢిల్లీ: సత్యం కుంభకోణంలో పాత్రధారులు, లవ్‌లాక్ అండ్ లెవిస్ ఆడిటర్లు పులవర్తి శివప్రసాద్, చింతపట్ల రవీంద్రనాథ్‌లపై ఇనిస్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ఐసీఏఐ) వేటు వేసింది. చార్టర్డ్ అకౌంటెంట్లుగా ప్రాక్టీసు చేయకుండా జీవిత కాలం వారిపై నిషేధం విధించింది. ఒక్కొక్కరికి రూ.5 లక్షల జరిమానా కూడా విధించింది. తమ సంస్థ క్రమశిక్షణ కమిటీ జరిపిన విచారణలో వీరిద్దరూ వృత్తిపరంగా తప్పుడు పనులకు పాల్పడ్డారని తెలియడంతో వారిపై వేటు వేశామని ఐసీఏఐ ఓ ప్రకటనలో తెలిపింది.

2001-08 మధ్య కాలంలో సత్యం కంప్యూటర్ సర్వీసెస్ ఆడిట్ బృందంలో ఉన్న వీరిద్దరూ తమ విధుల నిర్వహణలో తీవ్ర నిర్లక్ష్యాన్ని ప్రదర్శించినట్లు క్రమశిక్షణ కమిటీ తేల్చి చెప్పిందని తెలిపింది. కోల్‌కతాకు చెందిన లవ్‌లాక్ అండ్ లెవిస్‌కు బెంగళూరులోని ప్రైస్ వాటర్ హౌస్ ఆడిటింగ్ సంస్థతో ఒప్పందం ఉంది. ఇందులో భాగంగానే ఆడిట్ పనులను లవ్‌లాక్, లెవిస్‌కు అప్పగించింది.

English summary

Two auditors were banned in Satyam Computers Scam for life time.