విడుదల చేయండి: సుధాకర్ అరెస్టుపై హైకోర్టు ఆగ్రహం

హైదరాబాద్: తెలంగాణ రాష్ట్ర సమితి పోలిట్ బ్యూరో సభ్యుడు చెరుకు సుధాకర్‌ను అరెస్టు చేయడం పట్ల రాష్ట్ర అత్యున్నత న్యాయస్థానం హైకోర్టు గురువారం ఆగ్రహం వ్యక్తం చేసింది. సుధాకర్ భార్య వేసిన క్వాష్ పిటిషన్‌పై కోర్టు గురువారం స్పందించింది. చెరుకు సుధాకర్ అరెస్టు అక్రమమని ఆయనను వెంటనే విడుదల చేయాలని ప్రభుత్వాన్ని ఆదేశించింది. కోర్టు ఆయనకు బెయిల్ మంజూరు చేసింది. హైకోర్టు తీర్పు పట్ల తెలంగాణ న్యాయవాదుల ఐక్య కార్యాచరణ హర్షం వ్యక్తం చేసింది. టిఆర్ఎస్, కాంగ్రెసు, తెలంగాణవాదులు కూడా హైకోర్టు నిర్ణయం పట్ల సంతోషం వ్యక్తం చేశారు.

కాగా తెలంగాణ ఉద్యమంలో పాల్గొన్న సుధాకర్‌పై పోలీసులు మొదట పిడి యాక్టు క్రింద కేసు నమోదు చేశారు. పిడి యాక్టు అమల్లో లేదని తెలుసుకున్న పోలీసులు ఆ తర్వాత నాసా చట్టం కింద అరెస్టు చేశారు. ఇటీవలె సుధాకర్‌కు సంవత్సరం జైలు శిక్ష విధించారు. గురువారం హైకోర్టు బెయిల్ మంజూరు చేసింది.

English summary

High Court very angry at state government for Cheruku Sudhakar arrest.