తెలంగాణ కోసం ఢిల్లీలో కూర్చొండి: టి-నేతలకు నాగం

హైదరాబాద్: తెలంగాణ రాష్ట్రం కోసం ఇక్కడ ఉద్యమిస్తే సరిపోదని ఢిల్లీ వెళ్లి అక్కడ కూర్చోవాలని తెలంగాణ ప్రాంత ప్రజా ప్రతినిధులకు తెలంగాణ నగారా సమితి అధ్యక్షుడు, మాజీ మంత్రి నాగం జనార్ధన్ రెడ్డి గురువారం సూచించారు. తెలుగుదేశం, కాంగ్రెసు, తెలంగాణ రాష్ట్ర సమితి పార్టీ ప్రజాప్రతినిధులు ప్రత్యేక రాష్ట్ర సాధన కోసం ఢిల్లీ వెళ్లి అక్కడ డిమాండ్ చేయాలని చెప్పారు. తెలంగాణ ఉద్యమాన్ని అణిచి వేయాడానికి ముఖ్యమంత్రి కిరణ్ కుమార్ రెడ్డి ప్రయత్నాలు చేస్తున్నారని విమర్శించారు.

ఉవ్వెత్తున ఎగిసిన ఉద్యమాన్ని ఆపివేయడం ఎవరి తరం కాదని చెప్పారు. నల్గొండ జిల్లాకు చెందిన చెరుకు సుధాకర్ ఏం తప్పు చేశారని ఆయనకు పన్నెండు నెలల జైలు శిక్ష విధించారని ప్రశ్నించారు. ప్రభుత్వం ఉద్యమ నాయకులపై తప్పుడు కేసులు పెట్టి అరెస్టులు చేయిస్తుందని ధ్వజమెత్తారు.

English summary

Telangana Nagara Samithi president Nagam Janardhan Reddy suggested Telangana leaders to sit in New Delhi for Telangana state.