మాజీ మంత్రి జక్కంపూడి కుమారుడి గణేష్ అరెస్టు?

By Srinivas

Published: Thursday, December 8, 2011, 15:42 [IST]

రాజమండ్రి: మాజీ మంత్రి జక్కంపూడి రామ్మోహన్ రావు తనయుడు జక్కంపూడి గణేష్‌ను గురువారం ఉదయం పోలీసులు అరెస్టు చేసినట్లుగా తెలుస్తోంది. జక్కంపూడి గణేష్‌పై తూర్పు గోదావరి జిల్లా రాజమండ్రి పోలీసులు కేసు నమోదు చేశారు. దీంతో ఆయనను ఉదయం త్రీటౌన్ పోలీసులు అరెస్టు చేశారు. యాక్సిడెంట్ చేయడమే కాకుండా పోలీసు స్టేషన్‌లో దౌర్జన్యానికి పాల్పడినందుకు ఆయనను అరెస్టు చేసినట్లు పోలీసులు తెలిపారు.

గత నెల పదవ తారీఖున ఓ రోడ్డు ప్రమాదానికి గణేష్ కారణమని స్థానిక పోలీసులు చెబుతున్నారు. అయితే అది తన కారు కాదని మాజీ మంత్రి తనయుడు జక్కంపూడి గణేష్ అంటున్నారు. కారు గణేష్‌దే అని చెబుతూ పోలీసులు గురువారం ఆయనను అరెస్టు చేశారు.

Published On December 8, 2011