మేం అలా చేస్తే మిగులుతారా?: మంత్రి దానం నాగేందర్

హైదరాబాద్: తెలుగుదేశం, వైయస్సార్ కాంగ్రెసు పార్టీ లేదా ఇతర విపక్షాల్లోని శాసనసభ్యులను మేం ప్రలోభ పెడితే ఎవరైనా ఆ పార్టీలో మిగులుతారా? అని కార్మిక శాఖ మంత్రి దానం నాగేందర్ శుక్రవారం ప్రశ్నించారు. వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి వర్గం ఎమ్మెల్యేలను ప్రలోభ పెట్టాల్సిన అవసరం తమకు లేదన్నారు. మేం అలా చేస్తే ఆయా పార్టీలో ఎవరూ మిగలరన్నారు. పార్టీ విప్ ధిక్కరించిన జగన్ ఎమ్మెల్యేలపై చర్యలు తప్పకుండా తీసుకుంటామని చెప్పారు.

అయితే తమది జాతీయ పార్టీ అయినందున నిర్ణయం పార్టీ అధిష్టానం తీసుకుంటుందని చెప్పారు. ఇతర పార్టీల్లా ఇక్కడే నిర్ణయం తీసుకోవడానికి మాది గల్లీ పార్టీ కాదన్నారు. తెలంగాణ విషయంలో కూడా అధిష్టానం తీసుకునే నిర్ణయానికి కట్టుబడి ఉంటామని చెప్పారు.

English summary

Minister Danam Nagender said today that no one mla left in YSR Congress and Telugudesam if Congress targeted.