సిఎల్పీకి వచ్చిన జగన్ వర్గం ఎమ్మెల్యే పూతలపట్టు

By Srinivas

Published: Friday, December 9, 2011, 14:32 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వర్గం శాసనసభ్యుడిగా ముద్రపడిన పూతలపట్టు రవి శుక్రవారం సిఎల్పీ కార్యాలయానికి వచ్చారు. కిరణ్ కుమార్ రెడ్డి ప్రభుత్వంపై తెలుగుదేశం పార్టీ ప్రవేశ పెట్టిన అవిశ్వాస తీర్మానానికి పూతలపట్టు రవి గైర్హాజరైన విషయం తెలిసిందే. అవిశ్వాస తీర్మానంపై ఓటింగు జరిగిన సోమవారం జగన్ వర్గం కాంగ్రెసు ఎమ్మెల్యేలు పదహారు మంది హాజరై ప్రభుత్వానికి వ్యతిరేకంగా ఓటు వేశారు. కానీ రవి మాత్రం హాజరు కాలేదు.

అయితే ఆయన ఎందుకు గైర్హాజరయ్యారో కారణం అప్పుడు తెలియరాలేదు. కానీ శుక్రవారం హఠాత్తుగా సిఎల్పీ కార్యాలయానికి వచ్చారు. అవిశ్వాస తీర్మానానికి ముందు రోజు జగన్‌తో జరిగిన ఎమ్మెల్యేల భేటీల్లో కూడా ఆయన పాల్గొన్నారు.

Published On December 9, 2011